شانەی ئەمنی ڕایگەیاند، ئەمڕۆ هێزەکانی عێراق ئۆپەراسیۆنێکی هاوبەش لە ژێر ناوی " جەزیرەی رەش"  بۆ پاککردنەوەی ناوچە بیابانەکان لە تیرۆرستان لە باکور لە پارێزگای ئەنبار، باشوری پارێزگای نەینەوا و رۆژئاوای پارێزگاری سەڵاحەدین و تا سەر سنوری سوریا ئەنجامدەدەن.

شانەی ئەمنی عێراق لە بەیاننامەیەکدا ئاماژەی بۆ ئەوە کردووە، هێزەکانی فەرماندەیی ئۆپەراسیۆنەکانی جەزیرە، سەڵاحەدین، نەینەوا، حەشدی شەعبی و حەشدی عەشایەری لە دە میحورەوە بەهاوبەشی لەگەڵ فرۆکە سەربازییەکان و هێزە ئاسمانییەکان، بەشداری ئەو پرۆسە هاوبەشەیان کردووە.


ڕاگەیەنراوەکە جەختیشیکردۆتەوە، ئەو ئۆپەراسیۆنە بۆ دڵنیایی و ئەمن و ئاسایشی ئەو ناوچانە و دەستگیرکردنی داواکراوانە.