سەرۆك وەزیرانی نوێی عێراق رایدەگەیەنێت، دابینكردنی مووچەی خانەنشینان كاری لەپێشینەی حكوومەتی نوێی عێراقە.

 
مستەفا كازمی، سەرۆك وەزیرانی نوێی عێراق سەبارەت بە دواكەوتنی مووچەی خانەنشینان، رایگەیاند، حکوومەتەکەی بەردەوام دەبێ لە دابەشکردنی مووچەی خانەنشین و هەژاران و كاری لەپێشینەیان دەبێت.

كازمی لە ھەژماری خۆی لە تویتەر نووسیوویەتی، حكوومەتی عێراق خانەنشینان کە تەمەنی خۆیان لەپێناو خزمەتی وڵاتەکەیان بەسەر برد، لەبیر ناکات.