کەشناسى هەرێم رایدەگەیەنێت، شەپۆلێکی باران و تۆزوخۆڵ ڕوو دەکاتە ھەرێمى کوردستان.

 بەشی پێشبینی بەرێوەبەرایەتی گشتی کەشناسی و بوومەلەرزەزانی هەرێم، لە ھۆشدارییەکدا ئەوە دەخاتەڕوو، هەرێمی کوردستان دەکەوێتە ژێر کاریگەری درێژبوونەوەی نزمە پاڵە پەستۆکانی (دەریای ناوەڕاست و دەریای سوور و نیمچە دوورگەی عەرەبی) و ئەمڕۆ باران بە شێوەی پچڕپچڕ لە ناوچە شاخاویەکان دەبارێت سەنتەری پارێزگاکانیش ئەگەری نمە بارانی هەیە.

کەشناسى هەرێم ئەوەش دەخاتەڕوو، سبەینێ هەینی لە شەودا باران بارین لە تەوای ناوچە شاخاویەکان و سەنتەری پارێزگاکان دەبارێت.

ئەوەش دەخاتەڕوو، رۆژی شەممەش ئەگەری هاتنی بارستە هەوایەکی تۆز و خۆڵ هەیە بۆ سەر ناوچەکەمان لە هەندێ ناوچە بە شێوەی تۆز و خۆڵ و لە هەندێ ناوچە لەگەڵ باران تێکەڵ دەبێت و شەپۆلەکە رۆژی یەک شەممە لاواز دەبێت و رۆژی دووشەممە دووبارە لە زۆربەی ناوچەکان باران بارین دەبێت.