سەرئێشە یەكێكە لە كێشە تەندروستییە بڵاوەكان و توشی زۆر كەس دەبێت، بەشێكی ئەو كەسانەش لە وەرزی بەهاردا توشی حاڵەتەكە دەبن، بەڕای پسپۆڕەكان هۆكاری سەرئێشەی ئەم وەرزە دەگەڕێتەوە بۆ  گۆڕانكاریەكانی كەش و هەوا.

بەپێی ئەنجامی چەند توێژینەوەیەكی پزیشكی، هۆكاری سەرئێشە لە وەرزى بەهار دەگەڕێننەوە بۆ وشكبونەوەی لەش و بڵاوبونەوەی خۆڵ و تۆوە ڕووەكییەكان و هەندێ جۆری ڤایرۆس لە هەوادا.

بۆ چارەسەر كردنیش پێویستە هاوڵاتیان پەیڕەوی چەند ئامۆژگارییەك بكەن، باشترین ئەو ئامۆژگارییانەش بریتین لە خواردنەوەی بڕێكی زۆر لە ئاو و شلەمەنیەكان، بۆ ئەوەی لەش لە وشكبونەوە پارێزراوبێت.

پێویستە گرنگییەكی زۆر بە خواردنی ئەو خۆراكانە بدرێت كە دەوڵەمەندن بە كانزای مەگنسیۆم بە تایبەت چەرەسات و سەوزە و پاقلە مەنیەكان، چونكە ئەمانە كاریگەریان لەسەر كەمبونەوەی ئازاری سەر دەبێت و باشترە لەكاتی خۆشوشتندا مەساج بۆ سەر بكرێت.