شەوی ڕابردوو بە کاتیۆشا هێرشکرایە سەر سەربازگەی تاجی لە بەغدا و دوو راهێنەری ئەمریکی و راهێنەرێکی بەریتانی کوژران.

 لەدوای روداوەکەش وەزیرانی دەرەوەی بەریتانیا و ئەمریکا پەیوەندییەکی تەلەفونیان ئەنجامدا و هەڕەشەی تۆڵەسەندنەوەیان کرد.

هاوکات پێگەکانی حەشدی شەعبی رایانگەیاند بنکەی سەربازی حەشد لە سنوری ئەبولکەمالی سنوری عێڕاق-سوریا بۆردمان کراوە و ژمارەیەک چەکداری حەشد کوژران وبرینداربوون.

پێگەکانی حەشد دەڵێن لەدوای هێرشەکەی سەربازگەی تاجی بۆردمانکراون،بەڵام چەند سەرچاوەیەکی تر ئاشکرایانکردوە یەکەمجار بنکەکانی حەشد لە سنوری عێراق-سوریا بۆردمان کراوە،دواتریش بە کاتیۆشا هێرشکراوەتە سەر سەربازگەی تاجی لە بەغدا.

هاوکات سەرۆک کۆماری عێراق راگەیەندراوێکی لەسەر هێرشەکەی سەربازگەی تاجی بڵاوکردەوە و بە هێرشێکی تیرۆریستی ناوی بردوە،داواشی کردوە لایەنەکان دان بەخۆیاندا بگرن.

بەپێی دواین ئامارە نافەرمیەکان لە هێڕشەکەی سەربازگەی تاجی دوو راهێنەری ئەمریکی و راهێنەرێکی بەریتانی کورژرون و ١١ سەربازیش برینداربوون.

هاوکات لە هێڕشەکەی سەربنکەکانی حەشدی شەعبی ١٨ چەکدار کوژران و ژمارەیەکی زۆرتریش برینداربوون.