وەزارەتی کارەبا ڕایگەیاند، لە سۆران بەردی بناغە بۆ دو پرۆژەی بەرهەمهێنان و گواستنەوەی كارەبا دادەنرێت.

بەپێی ڕاگەیەندراوێکی وەزارەتی کارەبای حکومەتی هەرێمی کوردستان،بەردی بناغە بۆ دو پڕۆژەی بواری بەرهەمهێنان و گواستنەوەی كارەبا دادەنرێت.

ئاماژەی بەوەشکردوە، سەرەتا لە وێستگەی 132 كەیڤی سۆران لەسەر رێگای سۆران - رەواندز،بەردی بناغە بۆ پڕۆژەی هێڵی 132 كەی ڤی و گۆڕینی تەلی نێوان (شەقڵاوە- سۆران) و فراوانكردنی وێستگەی سۆران بەگوژمەی شەش ملیۆن و 700 هەزار دۆلار جێبەجێ دەكرێت.. 

باسی لەوەشکردوە، بەردی بناغە بۆ پڕۆژەی وەبەرهێنان بۆ بەرهەمهێنانی 100 مێگاوات کارەبا لە ئاو ( HIDRO + ) بەشێوەی وەبەرهێنان لەلایەن هەردو كۆمپانیای (ئاریان ئیندەستریت- ئوسترالی و strog oil) بەگوژمەی 250 ملیۆن دۆلار جێبەجێ دەكرێت..