مەلا عەلی کەڵەک لە ڤیدیۆیەکی نوێدا: من سەلامەتم

05:56 - 12/02/2020
کوردستان

دوای بڵاوکردنەوەی هەواڵی دەستگیرکردنی، مەلا عەلی کەڵەک ڤیدیۆیەکی نوێی بڵاوکردەوە و رایگەیاند، ئەو سەلامەتە.

مەلا عەلی کەڵەک لە ڤیدیۆکەدا باس لەوە دەکات، ئەو ئێستا لە مەدینەیە و ئەو چەواشەکارییانەش رەتدەکاتەوە بەرامبەری کراوە.

لە ڤیدیۆکەدا مەلا عەلی کەڵەک بەبێ ئەوەی هەواڵی دەستگیرکردنی رەتبکاتەوە ئاماژە بەوە دەکات، ئەو ساغ و سەلامەتە و "گەردنی ئەو کەس و کەناڵانە ئازاد ناکات، چەواشەکارییان کردووە و قسەی ناڕێکیان کردووە".

دوێنێ پۆلیسی شاری مەدینە رایگەیاند، هاوڵاتییەکی عێراقییان دەستگیرکردووە کە بانگەشەی چاککردنەوەی کوێر و نەخۆش دەکات و دواتر وا بڵاوکرایەوە، ئەو کەسە مەلا عەلی کەڵەک بووە.

10934 جار خوێندراوەتەوە