حکومەتی هەرێم: موچەی هیچ کەسێکی شایستە نابڕدرێت

04:22 - 15/01/2020
کوردستان

ئەنجومەنی وەزیرانی هەریم رایگەیاند، دڵنیایی بە هەموو لایەک دەدرێت کە موچە و مافی هیچ کەسێکی شایستە نابڕدرێت.

ئەنجومەنی وەزیران لە راگەیەندراوێکدا ئاماژەی بەوە کردووە، "ئامانج لە چاکسازی رێکخستنەوەی مووچە و دابەشکردنی داهاتە بە شێوەیەکی دادپەروەرانە. دڵنیاییشیدا کە مووچە و مافی هیچ کەسێکی شایستە بەتایبەتی کەسوکاری شەهیدان و زیندانیانی سیاسی نابڕدرێت."

باس لەوەش کراوە، بڕیاردراوە لە بارەی پاراستنی مافی کەسوکاری شەهیدان، زیندانیان و گیراوانی سیاسی، روونکردنەوەی پێویست بە پەرلەمانی کوردستان بدرێت.

لە راگەیەندراوەکەدا جەخت لە گرنگیی پابەندبوون بە رێککەوتنی نێوان بەغدا و هەولێر، دەربارەی نەوت، بودجە و چارەسەرکردنی بنەڕەتی کێشەکان کراوەتەوە.

529 جار خوێندراوەتەوە