فڕۆكه‌كانى توركیا سنورى شنگالیان بۆردومان كرد شه‌هید و بریندار هه‌یه‌

12:09 - 15/01/2020
کوردستان

فڕۆكه‌ جه‌نگییه‌كانى توركیا  چەند بنکەیەکی یه‌كینه‌كانى به‌رخۆدانى شه‌نگالیان (یه‌به‌شه‌) لە گوندى دووگریى سه‌ربه‌ناحیه‌یى سنونێ له‌سنورى قەزای شنگال بۆردومان كردو به‌پێى زانیاریه‌كان شه‌هید و بریندارهه‌یه‌.

 

 

 سه‌رچاوه‌یه‌ك له‌ قه‌زاى شنگال به‌دیجیتاڵ میدیایى KNN ڕاگه‌یاند، كاتژمێر 11:00 ى پێشنیوه‌ڕى ئه‌مڕۆ فڕۆکە جەنگییەکانی تورکیا چەند بنکەیەکی یه‌كینه‌كانى به‌رخۆدانى شه‌نگالیان (یه‌به‌شه‌) لە گوندى دووگریى سه‌ربه‌ناحیه‌یى سنونێ سەر بە قەزای شنگال بۆردومان کردووە.

 

وتیشى، به‌هۆى بۆردومانه‌كه‌وه‌ شه‌هیدوو بریندارهه‌یه‌  و له‌ دوورى 300 مه‌تره‌وه‌ ڕێگه‌ به‌كه‌س ناده‌ن نزیكى ڕووداوه‌كه‌ ببێته‌وه‌. 

 

جێى ئاماژه‌یه‌، فڕۆكه‌كانى توركیا ناوه‌ناوه‌، سنورى هه‌رێمى كوردستان ده‌به‌زێنن و بۆردوومانى ئه‌و ناوچانه‌ ده‌كه‌ن، كه‌ به‌هۆیانه‌وه‌ سه‌دان كه‌س شه‌هید و برینداربون و ماڵ و حاڵى هاوڵاتیان وێرانبووه‌. 

656 جار خوێندراوەتەوە