منداڵێك کەوتە ناو ئاوەڕۆیەکەوە و خنکا

06:00 - 14/01/2020
کوردستان

دوانیوەڕۆی ئەمڕۆ منداڵێکی تەمەن سێ ساڵ، دانیشتووی ناحیەی حاجیاوای سەر بەقەزای رانیە، کەوتە ناو ئاوەڕۆیەکەوە و گیانی لەدەستدا.

 

 

بەڕێوەبەرایەتی پۆلیسی راپەڕین رایگەیاندوە، روداوەکە لە گەڕەکی فەرمانبەرانی حاجیاوا رویداوە، منداڵەکە کەوتۆتە ناو ئاوەڕۆیەکی نزیک ماڵی خۆیانەوە.

 

 

پۆلیس ئاماژەی بەوەشکردوە، منداڵەکە لە رەگەزی نێرە و تەرمەکەی گەیەندراوەتە نەخۆشخانەی رانیە، دوایی پشکنینی توێکاری، رادەستی کەسوکاری کراوەتەوە.

 

 

پۆلیس ئاشکراشیکردوە، دۆسیەیان بۆ روداوەکە کردۆتەوە، و لێکۆڵینەوە بەردەوامە، بەڵام هەتا ئێستاش هیچ کەسێک بەهۆی روداوەکەوە دەستگیرنەکراوە.

1762 جار خوێندراوەتەوە