ئەمریکا: بەپێی رێککەوتنمان لەگەڵ بەغدا لە عێراق دەکشێینەوە

06:11 - 12/01/2020
عێراق

راوێژکاری ئاسایشی نەتەوەیی ئەمریکا رایگەیاند، ئەمریکا بە نیازە لە عێراق بکشێتەوە، ئەویش بەپێی ئەو رێککەتنەی لەنێوان هەردوو وڵاتدا هەیە.

رۆبەرت ئۆبراین لە چاوپێکەوتنێکدا لەگەڵ کەناڵی فۆکس نیوز، سەبارەت بە کات و شێوازی کشانەوەی هێزەکانیان ئاماژەی بەوە کردووە، بەپێی ئەو شێواز و کاتەی رێککەوتنی نێوان بەغدا و واشنتن دیاریکردووە، هێزەکانیان لە عێراق دەکشێننەوە.

 

راوێژکاری ئاسایشی نەتەویی ئەمریکا باسی لەوەش کردووە، توانیان کۆتایی بە رێکخراوی داعش بهێنن و کار بۆ ئەوە دەکەن سەرجەم پاشماوەکانیان لەناوببەن.

هەفتەی رابردوو پەرلەمانی عێراق کۆبووەوە و بڕیارێکی بۆ کشانەوەی هێزە بیانییەکان لە خاکی وڵاتدا دەرکرد.

2659 جار خوێندراوەتەوە