وەزیری دەرەوەی تورکیا رایگەیاند، ئەگەر ئەمریکا و روسیا پابەندی رێککەوتنەکان نەبن هێرشەکانیان بۆ سەر رۆژئاوا دەستپێدەکەنەوە.

مەولود چاوشئۆغڵو ئاماژەی بەوەکرد، تا ئێستا ئەمریکا و روسیا پابەند نەبوون بەو رێکەوتنانەی سەبارەت بە باکوری سوریا ئەنجامدراون.

وتیشی، ئەگەر ئەو دوو وڵاتە بەردەوام بن لە پێشێلکردنی رێککەوتنەکان و باکوری سوریا لە هێزە کوردییەکان چۆڵنەکرێت، ئەوا دووبارە دەست بە هێرشەکانیان دەکەنەوە.

سەرەتای مانگی رابردوو تورکیا هێرشی کردە سەر رۆژئاوای کوردستان و پاش چەند رۆژێک ئەمریکا و تورکیا رێککەوتن ئاگربەست بکرێت و هێرشەکان رابگیرێن.

بەهۆی هێرشەکانی تورکیاوە ٣٠٠ هەزار کەس ئاوارە بوون و سەدان هاوڵاتی و شەڕڤانیش شەهیدبوون.