پەیامنێرێکی دیجیتاڵ میدیای کەی ئێن ئێن دەستگیرکرا

KNN : Kurdish News Network
06:11 - 12/11/2019
کوردستان
ئامانج ئەحمەد، پەیامنێری دیجیتاڵ میدیای کەی ئێن ئێن لە سۆران

ئەمڕۆ ئامانج ئەحمەد، پەیامنێری دیجیتاڵ میدیای کەی ئێن ئێن لە سۆران لەلایەن ئاسایشی پارتی دیموکراتی کوردستانەوە دەستگیرکراوە.

 

ئامانج ئەحمەد کە ئێستا وەک پەیامنێری سایتی سبەی و دیجیتاڵ میدیای کەی ئێن ئێن کار دەکات ئەمڕۆ سەردانی ناوچەی برادۆستیکردووە و پاشان لەلایەن بنکەیەکی ئاسایشی ناوچەکەوە ڕاگیراوە و پاشان دەستگیرکراوە.

 بەڕێوەبەری ئاسایشی سۆران لەبارەی ڕووداوەکەوە ڕایگەیاندووە، ئاماج ئەحمەد لای ئەوان دەستبەسەرکراوە و ئەمشەو لای ئەوان دەمێنێتەوە.

سەرەڕای ئەوەی ئامانج ئەحمەد بۆ کارێکی ڕۆژنامەوانی ڕۆشتووەتە ناوچەکە و دەستگیرکراوە، دیجیتاڵ میدیای کەی ئێن ئێن بەرپرسیارێتی سەلامەتی دەخاتە ئەستۆی هێزە ئەمنییەکانی ناوچەکە، بەپێی یاسای ڕۆژنامەنوسی ڕۆژنامەنووس نابێت لەسەر کارەکەی دەستگیربکرێت.

1911 جار خوێندراوەتەوە