لەسەر هێرشی سەر ڕۆژئاوای کوردستان سبەی ئەنجوومەنی ئاسایش کۆدەبێتەوە

08:15 - 09/10/2019
کوردستان

 

لەسەر داواکاری پێنج وڵاتی ئەوروپا لەسەر هێرشی تورکیا بۆ ڕۆژئاوای کوردستان سبەی ئەنجوومەنی ئاسایشی نێودەوڵەتی کۆدەبێتەوە و ئەو پرسە تاوتوێ دەکات.

 

ئاژانسی ڕۆیتەرز بڵاوی کردووەتەوە، ئەنجوومەنی ئاسایشی نەتەوە یەکگرتووەکان لەسەر داواکاری دانیشتنی بەپەلەی فەرەنسا، بەریتانیا، ئەڵمانیا، بەلجیکا و هۆڵەندا، سبەی کۆدەبێتەوە.

پێشتریش ئەمیلی دیمۆنتچالین بەرپرسیاری کاروباری فەرەنسا لە یەکێتی ئەوروپا يایگەیاندبوو، ئەوان بە هاوبەشی لەگەڵ بەریتانیا و ئەڵمانیا داوای دانیشتنی بەپەلەی ئەنجوومەنی ئاسایش دەکەن سەبارەت بە هێرشەکانی تورکیا.

ئیوارەی ئەمڕۆ سەرۆک کۆماری تورکیا رایگەیاند، ئۆپراسیۆنی سوپای تورکیا بۆ سەر خۆرهەڵاتی فورات " رۆژئاوی کوردستان" دەستیپێکردووە.

ره‌جه‌ب ته‌یب ئه‌ردۆغان سه‌رۆك كۆماری توركیا لە توویتێکدا رایگەیاند، سوپای توركیا‌ و سوپای میللی سوریا ئۆپه‌راسیۆنی "كانی ئاشتی" ـیان له‌ دژی رێكخراوه‌كانی په‌كه‌كه‌/یه‌په‌گه‌ و داعش له‌ باكوری سووریا ده‌ستپێكردووە.

369 جار خوێندراوەتەوە