هەسەدە داوا لە ئەمریکا دەکات ناوچەی دژەفڕین رابگەیەنێت

05:34 - 09/10/2019
کوردستان

دوای دەستپێکردنی هێرشی سوپای تورکیا بۆسەر رۆژئاوای تورکیا، لە یەکەم کاردانەوەدا هێزەکانی سوریای دیموکرات داوا لە هەریەکە لە ئەمریکا و هاوپەیمانی نێودەوڵەتی دەکات ناوچەی دژەفڕین بۆ باکوری رۆژهەڵاتی سوریا رابگەیەنن.

لە تویتێکدا ناوەندی ئۆپەراسیۆنی سەربازی و هاوئاهەنگی هەسەدە داوا لە ئەمریکا و هاوپەیمانی نێودەوڵەتی دەکات ناوچەی دژەفڕین رابگەیەنن بۆ ئەوەی هێرشی سەر خەڵکی بێتاوان بووەستێت.

 

ئاژەی بەوەشکردووە، هەسەدە بۆ دروستکردنی ناوچەی ئارام، بەشداری رێکەوتنی ئەمریکا و تورکیا کردووە بەڵام ئەو رێککەوتنە ئەوانی بەبێ بەرگری هێشتووەتەوە.

 

ئێوارەی ئەمڕۆ، پێنجشەممە، ره‌جه‌ب ته‌یب ئه‌ردۆغان، سەرۆک کۆماری تورکیا رایگەیاند، ئۆپراسیۆنی سوپای تورکیا بۆ سەر خۆرهەڵاتی فورات " رۆژئاوی کوردستان" دەستیپێکردووە.

 

هاوکات، لە دەستپێکی ئۆپەراسیۆنەکەدا  فڕۆکەکانی تورکیا ناوەندی سەربازیی سەرێکانیێیان لە رۆژئاوای کوردستان بۆردومانکرد و فرۆکە و تۆپخانەکانی تورکیا بەردەوامن لە بۆردومانکردنی گوند و ناوچە سنورییەکانی رۆژئاوای کوردستان و تورکیا.

368 جار خوێندراوەتەوە