هاتوچۆی سلێمانی رێڕەوی پاسەکان جیادەکاتەوە

03:37 - 09/10/2019
کوردستان

بەڕێوەبەرایەتی هاتوچۆی سلێمانی ڕایگەیاند، بەمەبەستی کەمکردنەوەی گرفتەکانی هاتوچۆ و قەرەباڵغی سەر شەقامەکان، بڕیاریانداوە هێڵی زەرد بۆ هاتوچۆی گشتی لەسەر شەقامەکان دیاریبکرێت.

فەرەیدون عومەر، بەڕێوەبەری هاتوچۆی سلێمانی بە دیجیتاڵ میدیای "زەمەن"ی ڕاگەیاندووە، "لەکۆبوونەمان لەگەڵ پارێزگاری سلێمانی بڕیارماندا بە دانانی هێڵی زەردی هاتوچۆ لەسەر شەقامەکانی ناو شاری سلیمانی بۆ هاتوچۆکردنی گشتی و پاسەکان."

وتیشی، ئەو هێڵانە بەمەبەستی کەمکردنەوەی گرفتی هاتوچۆیە لەناوشار و لەئێستادا لەئامادەکاریەکانداین ، و بەشێوەی تێست ئەو هێڵانە دیاریدەکەین ، ئەگەر سەرکەوتوو بێت و هاوڵاتیان هێڵە گشتیەکان و پاسەکان بەکاربهێنن بۆ مەبەستی هاتوچۆ ئەوا بەردەام دەبین.

بەڵام ئەگەر سەرکەوتوو نەبێت و هاوڵاتییان پاسەکان بەکارنەهێنن و قەرەباڵغی  سەر شەقامەکان کەمنەکاتەوە ئەوا ئەو پێشنیارە هەڵدەوەشێنینەوە ،چونکە ناکرێت هێڵێکی هاتوچۆ تەرخان بکەین بۆ پاسەکان و سەرجەم ئۆتۆمبێلەکانی دیکە لەسەر یەک هێڵ بێت و هاوڵاتیش پاس بەکارنەهێنێ.

2227 جار خوێندراوەتەوە