بە بڕیاری سەرۆک وەزیرانی عێراق زیاتر لە هەزار کەس لە خاوەن بڕوانامە باڵاکان دادەمەزرێنێت و ئەوەش لە چوارچێوەی بەڵێنەکانیدا بە خۆپیشاندەران.

ئەمینداری ئەنجوومەنی وەزیرانی عێراق ئاشکرایکردووە " بڕیاری دامەزراندنی هەزار و ٣٤٤ کەس لە خاوەن بڕوانامە باڵاکان دەرکراوە بۆ دامەزراندن لە هەموو وەزارەتەکان".

 ئەم بڕیارەی ئەنجوومەنی وەزیرانی عێراق لە کاتێکدایە پێشتریش لە چوار چێوەی بەڵێنەکان بە خۆپیشاندەران بڕیاری دابەشکردنی زەوی و بڕینەوەی موچە بۆ بێکاران دەرکرابوو.

لە میانی چەند رۆژی رابردوودا، خۆپیشاندان و ناڕەزایەتیی دەربڕین دژ بە گەندەڵی، بێكاری و خراپی خزمەتگوزارییەكان شاری بەغدا و چەند شارێكی باشوری عێراقی گرتووەتەوە، بەپێی دوایین ئامار كە لە لایەن وەزارەتی ناوخۆی عێراقەوە بڵاوكراوەتەوە، ژمارەی ئەو كەسانەی كە لە خۆپیشاندانەكاندا كوژراون، گەیشتووەتە ١٠٤ كەس، هەروەها شەش هەزار و ١٠٧ كەسی دیكە برینداربوون.