ڤیدیۆ... باندێکی ماددە هۆشبەرکان سێ پۆلیس لە خنکان رزگاردەکەن

01:11 - 06/10/2019
هەمەڕەنگ

لە رووداوێکی سەیردا باندێکی بەقاچاخبردنی ماددە هۆشبەرکان لە ئیسپانیا، لە کاتی ئۆپراسیۆنی دەستگیرکردنیان بەلەمی پۆلیس وەردەگەڕێت و بە هانایانەوە دەچن و پۆلیسەکان لە خنکان رزگاردەکەن.

 

رۆژنامەی گاردیانی بەریتانی بڵاویکردووەتەوە، لە کاتی هەوڵدان بۆ دەستگیرکردنی باندێکی بەقاچاخبردنی ماددەی هۆشبەر لە ئاوەکانی ئیسپانیا، بەهۆی تیژڕەوی و لە دەستدانی کۆنترۆڵەوە بەلەمی پۆلیس وەردەگەڕێت و ژیانی سێ پۆلیس دەکەوێتە مەترسییەوە.

 

وەکو رۆژنامەکە ئاماژەی پێکردووە، دوای وەرگەڕانی بەلەمی پۆلیسەکان قاچاخچییەکان لە هەڵهاتن دەوەستن و بەهانای پۆلیسەکانەوە دەچن و رزگاریان دەکەن.

 

بەپێی بەیاننامەیەکی پۆلیسی ئیسپانیا، قاچاخچییەکان چوار کەس بوون و نزیکەی سێ تۆن ماددەی هۆشبەریان پێبووە و سەرجەمیان دەستگیرکراون.

12505 جار خوێندراوەتەوە