بەغدا... فراكسیۆنی گۆڕان بەیاننامەیەکی لەسەر خۆپیشاندانەکان بڵاوکردەوە

04:53 - 05/10/2019
عێراق

فراكسیۆنی گۆڕان لە ئەنجومەنی نوێنەران لە بەیاننامەیەکدا بڵاویکردووەتەوە، خۆپیشاندانه‌كانی عێراق په‌نگخواردنه‌وه‌ی چه‌ندان ساڵی گه‌نده‌ڵیی ده‌سه‌ڵاتداره‌ یه‌كله‌دوای یه‌كه‌كانی عێراق و, به‌هه‌ده‌ردانی سه‌دان ملیار دۆلار و نه‌بونی سه‌ره‌تاییترین خزمه‌تگوزارییه‌كان و لاوازبونی متمانه‌ی هاوڵاتیان به‌ پڕۆسه‌ی دیموكراسی به‌ هۆی ته‌زویری هه‌ڵبژاردنه‌كانه‌وه‌یه.

 
ئەمڕۆ شەممە، فراکسیۆنی گۆڕان لە ئەنجومەنی نوێنەرانی عێراق لە بەیاننامەیەکدا ئیدانەی توندوتیژییەکانی دژ بە خۆپیشاندەران دەکات و داوا دەکات داوا له‌ حکومەتی‌ ئیتیحادی ئه‌كات به‌ زوترین كات به‌رنامه‌یه‌كی گونجاوی فیعلی بۆ چاكسازی و گۆڕانكاریی وه‌زاری بنێرێته‌ په‌رله‌مان بۆ په‌سه‌ند كردنی.

دەقی بەیاننامەکەی فراکسیۆنی گۆڕان لە ئەنجومەنی نوێنەران:

خۆپیشاندانه‌كانی عێراق په‌نگخواردنه‌وه‌ی چه‌ندان ساڵی گه‌نده‌ڵیی ده‌سه‌ڵاتداره‌ یه‌كله‌دوای یه‌كه‌كانی عێراق و, به‌هه‌ده‌ردانی سه‌دان ملیار دۆلار و نه‌بونی سه‌ره‌تایی ترین خزمه‌تگوزارییه‌كان و بێكاریی به‌ربڵاو و, لاواز بونی متمانه‌ی هاوڵاتیان به‌ پڕۆسه‌ی دیموكراسی به‌ هۆی ته‌زویری هه‌ڵبژاردنه‌كانه‌وه‌یه‌.

‎ئێمه‌ پشتگیریی تەواو و بێچەندوچونی داخوازییه‌ ڕه‌واكانی خۆپیشانده‌رانی عێراقین و روبه‌ڕوبونه‌وه‌یان به‌ فیشه‌ك به‌ توندی ئیدانه‌ ده‌كه‌ین.

‎له‌هه‌مان كاتدا ترسی خۆشمان ناشارینه‌وه‌ كه‌ درێژه‌كێشانی ئه‌م دۆخه‌, عێراق ده‌كاته‌ مه‌یدانی یه‌كلاكردنه‌وه‌ی ململانێ گه‌رمه‌ ئیقلیمی و نێوده‌وڵه‌تییه‌كانی په‌یوه‌ندیدار به‌ ناوچه‌كه‌.

‎هه‌ربۆیه‌ داوا له‌ حکومەتی‌ ئیتیحادی ئه‌كه‌ین به‌ زوترین كات به‌رنامه‌یه‌كی گونجاوی فیعلی بۆ چاكسازی و گۆڕانكاریی وه‌زاری بنێرێته‌ په‌رله‌مان بۆ په‌سه‌ند كردنی.

‎ئێمه‌ پشتگیری چاكسازیی ریشه‌یی ده‌كه‌ین له‌ عێراق و پێمان وایه‌ ئیسڵاح له‌ عێراق پاڵنه‌ری چاكسازیش ده‌بێ له‌ هەرێمی كوردستان. له‌ هه‌مان كات دا کۆبونەوەی پەرلەمان بێ بونی نەخشەرێگا و بێ پرۆژەی رون بۆ گۆڕانکاری و چاکسازی ریشەیی به‌ چاره‌سه‌ر نازانین و پێمان وایه‌ هێنده‌ی تر دۆخه‌كه‌ ئاڵۆز ئه‌كات.

فراكسیۆنی گۆڕان له‌ ئه‌نجومه‌نی نوێنه‌رانی عێراق
٥/ ١٠/ ٢٠١٩

439 جار خوێندراوەتەوە