بە بڕیاری وەزارەتی پەروەردەی حكومەتی هەرێمی كوردستان، ئەمساڵ لە تەواوی خوێندنگاكانی هەرێمدا یەكپۆشی پەیڕەو دەكرێت  و ڕەنگی جل و بەرگیش بۆ منداڵانی باخچەكان و تەواوی خوێندنگاكان دیاریكراوە.

بەوتەی بەڕێوەبەری گشتیی پەروەردەی سلێمانی، قۆرخكاری لە دابینكردنی جل و بەرگی باخچە و خوێندنگاكاندا نەماوەو كەسوكاری خوێندكاران ئازادن لە هەر شوێنێك جل ‌و بەرگ بۆ منداڵەكانیان دەكڕن و ئاماژەی بەوەشكرد تەنها ڕەنگی جلوبەرگ بەگوێرەی قۆناغەكان دیاریكراوە كە ئەوەش لە قازانجی دایكوباوكەكاندایە.

داواش دەكات لەبینینی هەر حاڵەتێكی نەخوازراو سكاڵانیان بگەیەننە لایەنە پەیوەنددارەكان بەمەبەستی گرتنەبەری رێوشوێنی.