ads top

ترەمپ: ئامادەم لەگەڵ رۆحانی کۆببمەوە

12:26 - 10/09/2019
جیهان

لەماوەی كەمتر لە هەفتەیەكدا‌ و بۆ دووەمجار، دۆناڵد ترەمپ سەرۆكی ئەمریكا، ئامادەیی بۆ گفتوگۆكردن لەگەڵ حەسەن رۆحانی سەرۆك كۆماری ئێران دەربڕی.

 

ترەمپ لە وەڵامی پرسیاری رۆژنامەنوساندا سەبارەت بە ئەگەری كۆبوونەوەی لەگەڵ حەسەن رۆحانی سەرۆك كۆماری ئێران، رایگەیاند: دەكرێت ئەوە رووبدات‌ و ئەو هیچ كێشەیەكی لەگەڵ ئەنجامدانی ئەو كۆبوونەوەیە نییە.

 

سەرۆكی ئەمریكا راشیگەیاند: پێویستە ئێران چارەسەری دۆخی وڵاتەكەی بكات، چونكە بە راستی ئێرانییەكان لە بارودۆخێكی خراپدان.

 

ئەوەش لەكاتێكدایە، رۆژی 5 ی ئەم مانگە دۆناڵد ترەمپ لە هەڵوێستێكی هاوشێوەدا سەبارەت بە ئەگەری كۆبوونەوەی لەگەڵ حەسەن ڕۆحانی لە كۆبوونەوەی داهاتووی كۆمەڵەی گشتیی نەتەوە یەكگرتووەكاندا، ڕایگەیاند: هەموو شتێك ئەگەری ڕوودانی هەیە.

522 جار خوێندراوەتەوە