ads top

رێچاره‌كانی نەخۆشی کۆڵۆن

10:53 - 25/08/2019
تەندروستی

کۆڵۆن، نەخۆشیەکی هه‌ناوییه‌ و به‌هۆی چه‌ند جۆرێكی به‌كتریاوه‌ توشی مرۆڤ دەبێت. بە ڕادەیکی زۆر بێزارکەرە. وا دەکات بەردەوام هەست بە ئاوساوی ریخۆڵه‌كان و هاتنی پێچ به‌سكدا و بیستنی ده‌نگی قۆڕەی سک و ئازار بکرێت.

لەکاتی توشبوون بەم نەخۆشییە، هەندێک توشی سکچون دەبن و هەندێکیش توشی قەبزیەکی بەهێز دەبن، به‌پێی به‌دواداچونه‌ پزیشكیه‌كان رێژه‌ی توشبونی ئافرەتان دوو هێندەی پیاوانه‌.

ئه‌وه‌ش سه‌لمێنراوه‌ كه‌ له‌ مرۆڤه‌كاندا جیاوازیی هه‌یه‌ بۆ ده‌ستنیشكانكردنی هۆكاری توشبونه‌كه‌ و ئه‌و جۆره‌ خواردنانه‌ی ده‌بنه‌ هۆی زیاتر ده‌ركه‌وتنی نیشانه‌كانی كۆڵۆن، بۆ نمونه‌؛ پاقلە و نیسک و نۆک و پرۆتینەکان زیاتر هۆكاری ده‌ركه‌وتنی نیشانه‌كانن و زۆرن ئه‌و مرۆڤانه‌ی رێنمایی ده‌كرێت بۆ دوركه‌وتنه‌وه‌ له‌ خواردنی ئه‌م جۆره‌ خۆراكانه‌.

ئەم نەخۆشییە لە سەرەتای دەرکەوتنی نیشانه‌كانیدا چارەسەرکردنی زۆر ئاسانە و به‌پەیڕەوكردنی ئەم چەند خاڵە ماكه‌كانی دورده‌خرێته‌وه‌:

1-ئاوی خاوێن و کوڵاو
هەوڵبدە رۆژانە ٨ پەرداخ ئاوی گەرم و خاوێنکراو بخۆرەوە. کە یارمەتیدەرێکی بە هێزە لە خاوێنکردنەوەی ڕیخۆڵەکانتدا و پاککردنەوەیان.

2-سرکەی سێو و هەنگوین
ڕۆژانە گیراوەیەک لە ئاوی گەرم و کەوچکێک سرکەی سێو و دوو کەوچک هەنگوین بخۆرەوە کە یارمەتیدەرێکی بە هێزە لە کوشتنی ئەو میکرۆبانەی هۆكارن بۆ توشبوون به‌ کۆڵۆن.

3-ئاوی لیمۆ
بەیانیان پێش نان خواردن، هەوڵبدە ئاوی لیمۆ تێکەڵ بکەیت لەگەڵ پەرداخێک ئاوی گەرم و بیخۆرەوە.

4-ئاوی میوە و شەربەتی سروشتی
خواردنەوەی شەربەتی سروشتی زۆر بە سودە بۆ دورخستنه‌وه‌ی نیشانه‌كانی کۆڵۆن.

5-ئالۆڤێرا
ئالۆڤێرا ڕووەکێکی بەسودە و لە ئێستادا زۆر بە ئاسانی لە بازاڕەکاندا دەستدەکەوێت. بە پێی لێکۆڵینەوەکان ئالۆڤێرا یارمەتیدەرە لە پەڕاندنی هەزاران دەرد و یەکێک لە کاریگەریەکانی پاکردنەوەی ڕیخۆڵە و چارەسەری نەخۆشی کۆڵۆنە لە مرۆڤدا. بۆیە هەوڵبدە دوور نەبیت لە خواردنەوەی شەربەتی ئەم ڕووەکە.

6-ڕۆنی گەرچەک
تێکەڵەی شەربەتی پرتەقاڵ لەگەڵ کەوچکێک ڕۆنی گەرچەک زۆر بە سودە بۆ چارەسەری برینی کۆڵۆن.

2584 جار خوێندراوەتەوە