سوپای عێراق هۆشداری دەدات لە هەر هەوڵێك بۆ لەكەداركردنی ناوبانگی

08:14 - 17/08/2019
عێراق

سوپای عێراق: روبەڕوی ئەو كەسانە دەبینەوە ناوبانگی سوپا لەكەداردەكەن

سوپای عێراق هۆشداری دەدات لە هەر هەوڵێك بۆ لەكەداركردنی ناوبانگی و ئاماژە بەوەدەكات، لەڕێگەی یاساوە روبەڕوی ئەو جۆرە كەسانە دەبنەوە.


لە بەیاننامەیەكدا، وەزارەتی بەرگری عێراق، رایگەیاند، هەر كەسێك دەست بۆ ناوبانگی سوپای عێراق ببات، كە گەورەترین داستانی قارەمانێتیان دژی چەكدارانی داعش تۆمار كردووە، لە گەڵ هێزە ئەمنییەكانی دیكە و پێشمەرگە و حەشدی شەعبی، ئەوا لە رێگەی یاساوە روبەڕویان دەبنەوە.

ئاماژەی بەوەشكردوە، دەستیان بە گرتنەبەری رێوشوێنی یاسایی كردوە، بەرامبەر ئەو كەسانەی، ناوی سوپای عێراقیان لە شوێنی نەشیاو و دوور لە ئازایەتی و مافەكانی هێناوە.

ئەو بەیاننامەیەی سوپای عێراق هاوكاتە لەگەڵ ئەو خۆپیشاندانانەی لە چەند پارێزگایەكی عێراق ڕێكخرا لە دژی لێدوانەكانی سەركردەیەكی بزوتنەوەی نوجەبا، كە بەشێكە لە هێزەكانی حەشدی شەعبی، تیایدا داوای هەڵوەشاندنەوەی سوپای عێراقی كردبوو.

719 جار خوێندراوەتەوە