دهۆك؛ هاوڵاتییان داواكارن پارێزگاكەیان پشتگوێ نەخرێت
هاوڵاتییانی پارێزگای دهۆك لەگەڵ ئەوەی بە ئومێدەوە دەڕواننە كابینەی نوێی حكومەتی هەرێم بۆ ئەنجامدانی چاكسازیی‌و نەهێشتنی گەندەڵی، داواش دەكەن، كارنامەی حكومەتەكە وەك خۆی جێبەجێ بكرێت‌وتەنها بە قسە نەبێت، هاوكات هیواداریشن ئەم كابینەیەی حكومەتی هەرێم وەك كابینەكانی پێشوو، پارێزگاكەیان پشتگوێ نەخات‌و خزمەتگوزاریی زیاتریان پێشكەش بكات.
پێك ئانینا كابیەنیا 9ێ یا حكومەتا هەرێما كوردستاێ ئۆمێدەك ل جەم وەلاتییان دروست كریە ژبۆی ئەنجامدانا چاكسازییان و نەهێلانا گەندەلیێ و خزمەتكرنا وەلاتییان .
بەشەك ژ وەلاتییان ل پارێزگەها دهۆكێ دبێژن ئەڤێ كابینا حكومەتێ چو بەهانە نینن ژبۆی كو نكاربێت كارنامەیا خوە ببێتە سەر و دبێژن ژی پێدڤییە ئەو كارنامەیا هاتییە راگەهاندن تەنێ ئاخفتن نەبێت .
بەشەكی دی ژوەلاتییان دبێژن پارێزگەها دهۆكێ جودا ژ پارێزگەهێن دن یێن هەرێمێ هاتییە پشت گۆه ئاڤیتن و ب درێژاهییا چەندین سالێن دەرباز بویین دا د ئاستێ پێدڤی دا خزمەت بۆ نەهاتییە كرن . لەوما پێدڤییە ئەڤ حكومەتە گۆه ل گلەیی و داخازیێن وەلاتییان بگرێت.
ل كابینەیا 8ێ یا حكومەتا هەرێما كوردستانێ دا ئەڤ هەرێمە توشی قەیرانێن دارایی و شەڕێ داعش بوو و وەلاتیی ژ خزمەت گوزارییان و موچەیێن فەرمانبەران بێبەش بوون لەوما بدیتنا وەلاتییان كابینا نوو نە شەرێ داعش مایە و نەقەیرانا دارایی و دڤێت ئاخفتنێن خوە ب كردار بسەلمینن.
504 جار خوێندراوەتەوە