بۆریس جۆنسۆن: ئەگەر ببمە سەرۆك وەزیران سزا بەسەر ئێراندا دەسەپێنم

08:41 - 11/07/2019
جیهان

كاندیدێكی پۆستی سەرۆك وەزیرانی بەریتانیا پشتیوانی لەهەنگاوەكانی سەرۆكی ئەمریكا دەكات، لە دژی ئێران و ئاماژە بەوە دەكات، ئەگەر ببێتە سەرۆك وەزیران، ئەوا سزا بەسەر حكومەتی تاراندا دەسەپێنێت.

بۆریس جۆنسۆن، وەزیری دەرەوەی پێشووی بەریتانیا و كاندید بۆ سەرۆك وەزیرانی بەریتانیا، لە لێدوانێكی رۆژنامەوانیدا رایگەیاند: تا سەر ئێسقان زایۆنییە و ئیسرائیل ئەو وڵاتە مەزنەیە، كە خۆشی دەوێت و پشتیوانی لەگەل و حكومەتی ئەو وڵاتە دەكات.

سەبارەت بەسزاكانی ئەمریكا لەسەر ئێران، ئاماژەی بەوەكرد، پشتیوانی لەهەنگاوەكانی، دۆناڵد ترەمپ، سەرۆكی ئەمریكا دەكات، لەبەرامبەر دەسەڵاتدارانی ئێران.

ئەوەشی خستەڕوو، ئەگەر بەسەرۆك وەزیران هەڵبژێردرا، سزا بەسەر حكومەتی تاران دەسەپێنێت.

958 جار خوێندراوەتەوە