هەولێر؛ 12 نۆرینگەو دەرمانخانەو كۆگای دەرمان دادەخرێن

12:20 - 14/05/2019
تەندروستی

قایمقامیەتی هەولێر: داخستنیان بەهۆی فرۆشتنی دەرمانی قاچاخەوە بووە

لە هەڵمەتێكدا لە شاری هەولێر، 12 نۆرینگەو دەرمانخانەو كۆگای دەرمان دادەخرێن، قایمقامیەتی هەولێریش رایدەگەنێت: داخستنیان بەهۆی فرۆشتنی دەرمانی قاچاخەوە بووە.

لە هەڵمەتێكدا، لیژنەی بەدواداچونی دەرمان لە هەولێر، 12 نۆرینگەو دەرمانخانەو كۆگای دەرمانی لە شەقامی پزیشكانی هەولێر و مامزاواو قۆریتان داخست.

قایمقامیەتی هەولێر رایگەیاند: لە كاتی سەردانی تیمەكانیاندا، ئەو نۆرینگەو كۆگایانە، دەرمانی بێ مۆڵەت و قاچاخیان فرۆشتوەو دەستیان بەسەر بڕێكی زۆری دەرمانی لەو شێوەیەدا گرتووە.

ئاماژە بەوەشكراوە: بەهۆی فرۆشتنی دەرمانی قاچاخ سەرجەم ئەو شوێنانە داخراون و خاوەنەكانیشیان رووبەڕووی دادگا دەكرێنەوە.

204 جار خوێندراوەتەوە