دانیشتن لەبەردەم شاشەی کۆمپیوتەر بۆ ماوەیەکی درێژ دەبێتە هۆی لەدەستدانی چاو.

بەپێی ئەنجامی توێژینەوەکانی پێشوو، دانیشتن لەسەر کورسی و لەبەردەم شاشەی کۆمپیوتەر بۆ ماوەی شەش کاتژمێر، مردنی پێشوەخت بەڕێژەی %19 زیاد دەكات.

بەڵام نوێترین توێژینەوە ئاشكرایدەکات، دانیشتن لەبەردەم شاشەی کۆمپیوتەر، دەبێتە هۆی دروستبوونی زیپکەی چاو و وشکبوونەوەی چاو لەگەڵ قەلەقی و ئازاری مل و پشت.

پەیمانگای تەندروستی ئەڵمانی چەند ئامۆژگارییەک دەخاتەڕوو لەوانە، دەبێت کارمەند نێوان خۆی و شاشەی کۆمپیتەرەکەی  45 بۆ 60 سانتیمەتر بێت و چاوەکانی بەردەوام بجوڵێت، هەوای ژووریش پاکبێت، جار جارەش لە شوێنی خۆی هەڵبسێت و بۆماوەی چەند خولەکێک بجوڵیت و کەمتریش مۆبایل بەکابهێنن.

زۆر دانیشتن لەسەر کورسی، دەبێتە هۆی بەرزبونەوەی ڕێژەی چەوری سیانی و گلوكۆز و ئەنسۆلین و فشاری خوێن بەرزدەكاتەوە، هەروەها وا لە مرۆڤ دەكات ڕێژەیەكی زیاتر خواردن بخۆن، ئەمانەش پێكەوە هۆكارێكن بۆ توشبوون بە چەند نەخۆشییەکی مەترسیدار، لەوانە، شێرپەنجە و نەخۆشییەكانی دڵ و خانەكانی خوێن هەروەها شەكرە و كۆئەندامی جوڵە و نەخۆشی سییەكان و گورچیلە و كۆئەندامی هەرس، لەگەڵ پاركنسۆن و زەهایمەر.