ساڵیادی دامەزراندنی گۆڕانە، كەسانێكی زۆر لەو یادەدا یادوەری خۆی هەیە، كەسانێكی زۆر لەو بزوتنەوەیە هاتن و رۆیین.

كەسانێك هەر لە گردەكەن، كەسانێك گردیان جێ هێشت، هەموان ئەوەی لە گردەكە ماوە و ئەوەی ئەوێشی بە جێ هێشت، قسەی خۆی هەیە .

زەمەنێك دروستبوە چی بڵێی لەسەر گۆڕان، لێكدانەوەی جیاوازی بۆ ئەكرێت .
قسەت و نوسینت وەك وشەكان لێ وەر ناگیرێت، وەك لێكدانەوەیەك لێ وەرناگیرێت، هەمو ئەبێتە پرسیار؟؟
لە خانە و رێكخەری گشتیەوە نزیكیت؟
لە كوڕەكان نزیكیت یان نا؟
لە برادەرەكانی خوار گردەكەی؟
خۆت زویری؟

یادی گۆڕان و قسەكردن لەسەر بزاوتەكە پێش وەختە ئەم پرسیارانە ئەكرێت .
ئەوەی ونە گۆڕان چی كرد و لە ئێستادا چی ئەكات و داهاتوی چیە؟
ترس لە پرسیارە نا ئا ساییەكان، گوزەرێك ئەكەم بە سەربوردەی گۆڕاندا .
گۆڕان وەك پرۆژەیەكی دوای پەیامی (سبەی)، دوای باڵی ریفۆرم، دوای هەنگاوی سەرەتای كۆمپانیای وشە، وەك دوا هەنگاوی سیاسی رەحمەتی كاك نەوشیروان، چی كرد و لە ئێستادا بەرەو كوێ ئەڕوات؟؟


گۆڕان وەك گوتاری سەرەتا پرۆژەیەك بو بۆ گۆڕانكاری لە حوكمڕانی، پڕۆژەیەك بو بۆ عەدالەتی كۆمەڵایەتی، كۆكردنەوەی دەنگە ناڕەزاییەكان بو .
گۆڕان سەرەتا لە دەروازەی میدیاوە دەستبەكار بو دواتر بەرەو بزاوتێك و بەشداری هەڵبژاردن و لە قۆناغی یەكەمدا، بوە ئۆپۆزسیۆن ، كە خاوەن (25) كورسی بو .
دواتر بەرەو دەسەڵات، بوە دروشم كورسی دانەیەكی كەمی كرد .
دواتر دەركردن و گەڕانەوە بۆ گردەكە ، جارێكی تر بەشداری هەڵبژاردن و كورسی كەمی كرد بەرەو دوانزە كورسی، سزای خەڵك گۆڕانیشی گرتەوە .
لە ئێستادا بەشداری دەسەڵات بە خەونی چاكسازی كە ئەوترێت چاكسازی وەهمێكە تانوپۆكەی دیار نیە؟؟؟
گۆڕان سەرەتایەكی پر لە بەرەنگاری هێنایە پێشەوە بێ پەنا بردنە چەك، خەباتێكی پەرلەمانی و مەدەنی گرتە بەر .
گۆڕان دەروازە بو بۆ را جیاوازەكان و كرانەوەو فرە ئایدۆلۆجیا بو.
پرسیاری یەكەم ئەوەیە، بە (25) كورسیەوە بەشداری نەكرا بەردەوام بون لە ئۆپۆزسیۆن بون لە ئێستادا بە دوانزە كورسیەوە، بەشداریەكی شەرمنانەی دەسەڵات .
ئەوكات كاك نەوشیروان رێكخەر و هەناسەی بەردەوام بۆ ئۆپۆزسیۆن بون، ئێستا رێكخەر و خانە كشانەوە بە جۆرێك لە تەخوین ئەبینن؟؟؟؟
جارانێك جۆرێك لە كاری دامەزراوەیی لە گۆڕان ئەبینرا لە ئێستادا هەر كەسەو ئاوازێك و ونی خیتابی گشتی بزوتنەوەكە .
جارانێك گۆڕان دروستكەری ئومێد بۆ تاكی كوردی، لە ئێستادا گۆڕان خۆی بوەتە بێ ئومێدی .
جارانێك گۆڕان و فیگەرەكانی، نمونە بون بۆ هەڵسانەوە، بۆ بەردەوامی، بۆ هیواو ئومێد، لە ئێستادا هەمو ئەوانە گۆرانی بەسەردا هاتوەو گۆڕان بوەتە پەیژە بۆ هەندێ كەس بۆ گەیشتنە پۆستێك و موچەیەكە خانەنشینی بەرز، بۆ سیاسیە دێرینەكانیش بەردەوامی مانەوە لە سیاسەتدا .
گۆڕان زۆرێك لە قارەمانی پۆپۆلیسی دروست كرد، داتا و پلانی درێژخایەن و زانستی هیجرەتی كردوە .
جاران گۆران خیتابی بەردەوامی هەبو بۆ قۆناغە جیاوازەكان و ئامادە باش بو بۆ هەر گۆرانكاریەك دێت و دەڕوا .
گۆڕان بە گشتی پێویستی بە خۆچونەوەی هەیە بێ ترس و تۆمەت دروستكردن بۆ یەكتری، پێویستی بە هەڵسەنگاندنی گشتی هەیە .
ئەوەی حەرفێكی وت و نوسی دوژمن نیە؟؟؟
رێكخەر و خانە هەقە كەمێك زیاتر كراوە بن؟؟؟
گۆڕان و كۆمپانیای وشە هەقی خۆیەتی پەیوەندی نێوانیان بە دامەزراوەیی بكەن .
خەمی گشتی ببێتەوە بەرنامە گشتیەكە، پرۆژەی سیاسی گوزەر بكاتەوە بە ناوەخنی گۆڕاندا .

خوانی گۆڕان خوانی دەنگە جیاوەزەكان بێت، تێكۆشەرە دێرینەكان بە قەناعەتەوە هاوكاری گەنجەكان بن ریتمێك دروست كەن كە پشت و پەنا بن و تا مردن هەر نابێت بەرپرس بن .