نرخی زێڕ بەردەوامە لە بەرزبوونەوە و نزیکە لەوەی تەواوی عەیارە جیاوازەکان نرخیان لەسەر ملیۆنێک دینارەوە بێت.

هەواڵ:KNNC

ناجێگیریی نرخی زێڕ بەردەوامە و بۆ ئەمڕۆش جارێکی دیکە بەرزبوونەوەی بەخۆوە بینی و هەر ئۆنسەیەکی نزیکەی 30 دۆلار چوویە سەر نرخەکەی و گەیشتە 5 هەزار و 176 دۆلار.

لەگەڵ بەرزبوونەوەکەیدا ئێستا نرخی مسقاڵێکی زێڕی عەیارە 21 کە زۆرترین خواستی لەسەرە لە بازاڕەکانی هەرێمی کوردستان بە ملیۆنێک و 125 هەزار دینارە.

‎نرخی عەیارە جیاوازەکانی دیکە بەمجۆرەی خوارەوەیە:

‎نرخی مسقاڵێک زێڕی عەیارە 24 بە ملیۆنێک و 285 هەزار دینارە
‎نرخی مسقاڵێک زێڕی عەیارە 22 بە ملیۆنێک و 128 هەزار دینارە
نرخی مسقاڵێک زێڕی عەیارە 21 بە ملیۆنێک و 125 هەزار دینارە
‎نرخی مسقاڵێک زێڕی عەیارە 18 بە 965 هەزار دینارە