ئەوروپا دەڵێت ناوچەکە پڕە لە شەڕ و نایانەوێت شەڕی دیکە لە ناوچەکە ڕووبدات و خوازیارن لەگەڵ ئێران بگەنە چارەسەری دیپلۆماسی.

هەواڵ:KNNC

کایا کاڵاس بەرپرسی سیاسەتەکانی دەرەوەی ئەوروپا لە لێدوانێکیدا داوای "چارەسەری دیپلۆماسی" بۆ پرسی ئەتۆمی ئێران کرد و ڕایگەیاند: لە ناوچەکە شەرێکی زۆرمان هەیە و پێویستمان بە شەڕێکی دیکە نییە لەم ناوچەیەدا.

ئاماژەی بەوەشدا ئێران هەرچەند لاوازبێت هێشتا شەڕ پێویست نییە و دەبێت بە گفتوگۆ کێشەکان چارەسەر بکرێت و خوازیارن لە پرسی ئەتۆم لەگەڵ ئێران بگەنە ڕێککەوتنی دیپلۆماسی.

ئەوەش لە کاتێکدایە کە دوو گەڕی دانوستانەکانی نێوان تاران و واشنتن بەڕێوەچوون و زانیارییە بڵاوکراوەکان ئاماژە بەوەدەدەن کە لە پێنجشەممەی ئەم هەفتەیەدا گەڕی سێهەم بەڕێوەدەچێت...