جارێکی دیکە هەریمی کوردستان و ئەمەریکا لەبارەی پرسی پێشمەرگە کۆبوونەوە و جەختیان لە یەکگرتنی هێزەکان کردەوە.

هەواڵ:KNNC

سەرۆکایەتی هەرێمی کوردستان بڵاویکردەوە گەڕێکی تری کۆبوونەوە هاوبەشەکانی نێوان بەرپرسانی دامەزراوە پەیوەندیدارەکانی هەرێمی کوردستان و شاندێکی دیپلۆماسی و سەربازیی ئەمەریکا بۆ گفتوگۆکردن لەسەر پرۆسەی چاکسازی و یەکگرتنی هێزی پێشمەرگە، بەڕێوە چوو.

ئاماژەیان بەوەکردوە، لە گفتوگۆکاندا کە بە ئامادەبونی جەعفەر شێخ مستەفا، جێگری سەرۆکی هەرێمی كوردستان و خاتوو وێندی گرين، كونسوڵی گشتیی ئەمەریکا لە هەرێمی كوردستان و بە ئامادەبونی شۆڕش ئیسماعیلی وەزیری پێشمەرگە بەڕێوەچوو، وێڕای جەختکردنەوە لە گرنگیی سەرخستنی پرۆسەی چاکسازیی هێزی پێشمەرگە، دوا هەنگاوەکانی پرۆسەکە خرانە روو.

ئەوەش خراوەتەڕوو، هەنگاوی هاوبەش بۆ خێراکردنی پرۆسەکە و چارەسەرکردنی ئاستەنگەکانی بەردەمی دووپات کرایەوە و بیروڕا سەبارەت بە فراوانکردنی هەماهەنگی و هاریکاری لەنێوان هەردوولادا ئاڵوگۆڕ کرا....