عەلی خامنەئی وەڵامی توندی دۆناڵد ترەمپ دەداتەوە و دەڵێت کەس ناتوانێت ئێران لەناوببات و بەهێزتر لە کەشتییە زەبەلاحەکانتان ئەو چەکانەن کە دەتوانن کەشتییەکان لەناوبەرن.


هەواڵ:KNNC


عەلی خامنەئی ڕابەری کۆماری ئیسلامیی ئێران لە نوێترین لێدوانیدا وەڵامی توندی هەڕەشەکانی دۆناڵد ترەمپ دایەوە و وتی، کەس ناتوانێت ئێران لەناوبەرێت و چەکەکان لە کەشتییەکان بەهێزترن.

لەبارەی دانوستانەکانەوە وتی، دیاریکردنی ئەنجامەکان پێشوەختە و بەر لە یەکلابوونەوەی کارێکی هەڵە و گەمژانەیە.

عەلی خامنەئی لە وەڵامی ترەمپ و هەڕەشەکانی بۆ ئێرانەوە وتی، ئێران بە هیچ کەس لەناوناچێت و 47 ساڵە نەتانتوانیوە کۆتایی بە ئێران بهێنن و ئێستاش ناتوانن، بەهێزتر لەو کەشتییە زەبەلاحانەی دەتانەوێت ئێرانی پێبترسێنن، ئەو چەکانەن کە توانای لەناوبردنی کەشتییەکانیان هەیە.

لە بەشێکی دیکەی قسەکانیدا عەلی خامنەئی وتی، ئەمەریکا باسی توانا و هێزی سەربازیی و سوپاکەی دەکات، بەڵام دەکرێت بەهێزترین سوپای جیهان گورزی کەمەرشکێن و توندی بەربکەوێت...