لەمەودوا هۆڕن لێدان قەدەغەیە و سزاکەی تا دەستبەسەرداگرتنی ئۆتۆمبیل دەڕوات.

هەواڵ:KNNC


ڕائید حەیدەر شاکر محەممەد وتەبێژی بەڕێوەبەرایەتی هاتوچۆی عێراق ڕایگەیاند:  بەکارهێنانی هۆڕنی ئۆتۆمبێل بە دەنگی بەرز، وەک هەندێک شۆفێر دەیکەن، بەپێی یاسای هاتووچۆ ژمارە 8ی ساڵی 2019 سەرپێچییە و سزای لەسەرە.

ئاماژەی بەوەشکردووە، دەنگی بەرزی هۆڕن سەرپێچییە و هۆشداریدا بە شۆفێران لە دەستکارییکردنی هۆڕنی ئۆتۆمبێلەکانیان بۆ ئەوەی دەنگی تێکدەر و بێزارکەر دروستبکەن کە کاریگەری لەسەر پیادە و شۆفێرانی دیکە دەبێت و هاووڵاتییان هەبێت.

وتیشی، بەڕێوەبەرایەتی هاتوچۆ بەردەوامە لە چاودێریکردنی سەرپێچییە جۆراوجۆرەکانی هاتوچۆ لەوبارەیەوە و لێپرسینەوە لە شۆفێرانی سەرپێچیکار دەکات و سزای بەکارهێنانی هۆڕنی تێکدەر بریتییە لە دەستبەسەرداگرتنی ئۆتۆمبێلی سەرپێچیکار و سەپاندنی غەرامە بەسەر تاوانباران....