بەڕێوەبەریی خۆسەر داوای هەڵگرتنی چەک لە هاووڵاتییان دەکات و دەڵێت کورد لەبەردەم شەڕی بووندایە و تەنها بەرخۆدانی جەماوەریی دەمانپارێزێت.

هەواڵ:KNNC

بەڕێوەبەریی خۆسەر  لەبارەی دۆخی ڕۆژئاوا و سوریاوە پەیامێکی بەپەلەی بڵاوکردەوە و داوای هەڵگرتنی چەکی لە هاووڵاتییان کرد.

خۆسەر وتویەتی، داوا لە هەموو چین و توێژەکانی گەلەکەمان دەکەین، بەتایبەتی گەنجان و ژنان، خۆیان چەکدار بکەن چەکهەڵبگرن و خۆیان ئامادە بکەن بۆ ڕووبەڕووبوونەوەی هەر هێرشێک لە ناوچەی جزیرە و کۆبانی.

پێویستە لەوە تێبگەین کە ئێمە لەبەردەم شەڕی بوونمانداین، بۆ پاراستنی دەستکەوتەکانی شۆڕشەکەمان و شوناسەکەمان، تەنها یەک بژاردە هەیە، ئەویش بەرخۆدانی گەلە.

داوا لە گەلەکەمان دەکەین لە دەوری هێزەکانیان کۆببنەوە و پێکەوە بوەستن بۆ ڕووبەڕووبوونەوەی ئەم هێرشە دڕندانەیە، و هەموو لایەک لە ئامادەباشییەکی بەرزدا بن.