یەکەم ڕۆژی ساڵ لە عێراق دەست بە دابەشکردنی موچەی 2026 کرا و موچەخۆران بە موچەوە پێشوازییان لە ساڵی نوێ کرد.

هەواڵ:KNNC

لەگەڵ دەستپێکی ساڵی 2026 و لە یەکەمین ڕۆژی ساڵدا، بانکی ڕافیدەین دەستپێکردنی پڕۆسەی دابەشکردنی موچەی ئەم مانگەی خانەنشینانی لە سەرتاسەری عێراق ڕایگەیاند.

 بانکەکە ئاگاداری خانەنشینانی شارستانیی و سەربازیی دەکاتەوە کە دوای گەیشتنی کورتەنامەی ئاگادارکردنەوە (SMS)، دەتوانن سەردانی لقەکانی بانک و بنکەکانی پارەدانی ئەلیکترۆنی بکەن بۆ وەرگرتنی موچەکانیان.

لە عێراقدا نزیک بە 2ملیۆن و 950 هەزار خانەنشین و 4 ملیۆن و 400 هەزار فەرمانبەر هەن، کە کۆی تێچووی مووچەکانیان مانگانە دەگاتە شەش ترلیۆن دینار.

ئەوەش لە کاتێکدایە ساڵی 2025 کۆتاییهات و موچەخۆرانی هەریمی کوردستانیش تەنها موچەی 10 مانگی ئەو ساڵەیان وەرگرت و چارەنوسی دوو کۆتاموچەش نادیارە...