پاش ئه‌وه‌ی ئه‌مرۆ له‌مزگه‌وتێكی تایبه‌ت به‌عه‌له‌وییه‌كان له‌شاری حومس له‌ سوریا ته‌قینه‌وه‌یه‌ك روویداو به‌هۆیه‌وه‌ 6 كه‌س كوژران 21ی تریش بریندار بوون  ، ئه‌نجومه‌نی باڵای ئیسلامیی عه‌له‌وییه‌كان ته‌قینه‌وه‌كه‌ی سه‌ركۆنه‌كرد و به‌كارێكی تیرۆریستی ناویبردوه‌و

دواشی له‌كۆمه‌ڵگه‌ی نێوده‌وڵه‌تی كردوه‌ ده‌ستوه‌ردان بكات و سنورێك بۆ پێشێلكاریییه‌كانی سوریا دابنێت.

به‌پێی میدیاكانی سوریا ته‌قینه‌وه‌كه‌ له‌ئه‌نجامی كرده‌یه‌كی خۆكوژی بووه‌ له‌نێو مزگه‌وته‌كه‌دا و وه‌زاره‌تی ناوخۆی ئه‌و وڵاته‌ش پشتڕاستیكرده‌وه‌ كه‌ به‌هۆی ته‌قینه‌وه‌كه‌وه‌ 27 كه‌س بوونه‌ته‌ قوربانی و لێكۆڵینه‌وه‌ش له‌رووداوه‌كه‌ ده‌ستیپێكردوه‌.

له‌گه‌ڵ ده‌ستبه‌كاربوونی ده‌سه‌ڵاتی كاتیی له‌سوریا كه‌مینه‌كانی ئه‌و وڵاته‌ دوچاری هێرش و تاوانكاری جۆراو جۆر ده‌بنه‌وه‌و له‌ماوه‌ی یه‌ك ساڵی رابردودا به‌هه‌زاران هاوڵاتی دروزو عه‌له‌وی و مه‌سیحی كوژراون.