كه‌ناڵی فۆكس نیوزی ئه‌مریكی ئاشكرایكرد، كه‌ توركیا بۆی نییه‌ هێرشی سه‌ربازیی بكاته‌ سه‌ر هێزه‌كانی سوریای دیموكرات.

هەواڵ:KNNC

كه‌ناڵی فۆكس نیوز بڵاویكردوه‌ته‌وه‌ ، كه‌هه‌ریه‌ك له‌فه‌ره‌نساو ئه‌مریكا دۆسێی باكوری خۆرهه‌ڵاتی سوریاو پرسی هه‌سه‌ده‌و ئاسایشی نه‌ته‌وه‌یی توركیایان یه‌كلا كردوه‌ته‌وه‌و  ئه‌گه‌ری هێرشكردنه‌ سه‌ر هێزه‌كانی سوریای دیموكرات له‌لایه‌ن سوپای توركیاوه‌ كۆتایی هاتوه‌ و ئه‌و دۆسێیه‌ به‌ته‌واوه‌تی داخراوه‌.

هاوكات كه‌ناڵه‌كه‌ له‌زاری سیاسییه‌كی ئیسرائیلی بڵاویكردوه‌ته‌وه‌، پرۆسه‌ی ئاشتی له‌توركیا كه‌ له‌ئیمراڵییه‌وه‌ به‌ڕێوه‌ده‌برێت له‌به‌رژه‌وه‌ندی توركیادایه‌و هه‌رهه‌ڵه‌یه‌كیش له‌لایه‌ن ئه‌نقه‌ره‌وه‌ به‌واتای به‌رپابوونی جه‌نگێكی گشتگیر له‌خۆرهه‌ڵاتی ناوه‌ڕاست و ته‌لئه‌بیبیش ده‌ستده‌كات به‌جێبه‌جێكردنی پلانه‌كه‌ی و ئه‌مریكاش ئاگاداری ئه‌و نیازه‌ی ئیسرائیله‌.

ئاماژه‌ به‌وه‌شكراوه‌ تێكه‌ڵكردنی هه‌سه‌ده‌ به‌سوپای سوریا له‌شێوه‌ی قه‌واره‌یه‌كی سه‌ربه‌خۆدا ده‌بێت و كه‌سایه‌تییه‌ دیاره‌كانی هه‌سه‌ده‌و ئیداره‌ی خۆسه‌ریش پۆستی وه‌زارییان له‌حكومه‌ته‌كه‌ی دیمه‌شقدا ده‌بێت.