وه‌زیری ته‌ندروستیی هه‌رێمی كوردستان سکاڵای لەسەر 53 پزیشکی گشتی دەرەوەی وڵات لە بنکەی پۆلیسی تەیراوە تۆماردەکات ،ئه‌و پزیشكانه‌ش له‌راگه‌یه‌نراوێكدا روونكردنه‌وه‌یه‌ك ئاراسته‌ی رای گشتی ده‌كه‌ن.

هەواڵ:KNNC

وه‌ك له‌راگه‌یه‌نراوه‌كه‌دا هاتوه‌ “ئێمەی پزیشکانی گشتی دەرەوەی وڵات لە چاوەڕوانی چارەسەرکردنی کێشەکانمان و راست کردنەوەی ئەو پێشێلکارییەی بەرامبەرمان کراوە، لە جیاتی گەڕانەوەی مافەکانمان و جێبەجێکردنی ماددەی شەشی ساڵی 2000  تایبەت بە

پزیشکی و پلە بەندی پزیشکی ، و وه‌ڵامدانه‌وه‌ی هەموو ئەو نوسراوانەی  دەستەی مافی مرۆڤ و سەندیکا پزیشکانی هەرێمی کوردستان و هۆشداری دادگای کارگێری هەولێر کە رەوانەی وەزارەتی تەندروستی کراوە سەبارەت بە گەڕانەوەی مافەکانمان و

جێبەجێکردنی داواکارییەکانمان، كه‌چی  لەلایەن بنکەی پۆلیسی تەیراوە ئاگاداركراینه‌وه‌ ، کەسەردانی بنکەی ناوبراو بکەین بۆ ئیفادە لەسەر سکاڵای وەزیری تەندروستی ،‌  بەبیانووی ئەوەی خۆپیشاندان و مانگرتن لە وەزارەتی تەندروستی ئەنجامدراوە. سەرەڕای ئەوەی

کە چەندان جار رووبەڕوی ئازار و لێدان و هەرەشە کردن و تەنانەت و دەست بەسەر کردنیش بووینەتەوە ، بەڵام وەزارەتی تەندروستی لە جیاتی گەڕانەوەی مافەکانمان و جێبەجێکردنی داواکارییە زەوتکراوەکانمان ، وەزیری تەندروستی سكاڵای لە دژی ئێمەی پزیشک

تۆماركردوه‌ ،بۆیه‌ ئێمە ئەمە بە کپکردنی دەنگی مافخوراو و ناڕازی ئێمە وهەڕەشە بۆسەر ئازادی رادەربڕین دەبینین .