به‌هۆی باران و لافاوی چه‌ند رۆژی رابردوه‌وه‌ پارێزگای سلێمانی زۆرترین زیانی گیانی و ماڵی به‌ركه‌وتوه‌ 

هەواڵ:KNNC

به‌پێی ڕاپۆرتێكی ناوه‌ندی هاوبه‌شی هه‌ماهه‌نگیی قه‌یرانه‌كانی وه‌زاره‌تی ناوخۆی هه‌رێمی كوردستان سه‌باره‌ت به‌زیانه‌كانی  ئه‌و باران و لافاوه‌ی كه‌ له‌چه‌ند رۆژی ر ابردودا هه‌رێمی كوردستانی گرتوه‌ پارێزگای سلێمانی زۆرترین زیانی گیانی و ماڵی به‌ركه‌وتوه‌ به‌جۆرێك ، كه‌ دوو كه‌س گیانیان له‌ده‌ستداوه‌و12ی تریش بریندار بوون.

له‌هه‌مان كاتدا 540 ئۆتۆمبیل زیانیان به‌ركه‌وتوه‌وزیاتر له‌ 456 پرۆژه‌ش زیانیان به‌ركه‌وتوه‌، ئه‌مه‌ جگه‌ له‌وه‌ی 127 دوكان وماركێت و 1739 ماڵیش  زیانیان به‌ركه‌وتوه‌.

له‌ كه‌ركوك و گه‌رمیانیش سێ كه‌ش گیانیان له‌ده‌ستداوه‌و كه‌سێكیش بریندار بوه‌و 602 ماڵیش زیانیان به‌ركه‌وتوه‌ و له‌هه‌ولێریش شه‌ش كه‌س بریندار بوون و زیاتیش به‌20 ماڵ و دوو ئۆتۆمبیل  و 78 پرۆژه‌ كه‌وتووه‌.