ژەنەراڵ دان کین - سەرۆکی ئەرکانی هاوبەشی هێزه‌كانی ئه‌مریكا ،  دوپاتیکردەوە، کە واشنتۆن تا ئێستاش بە و په‌ڕی نیگه‌رانیه‌وه‌  له‌ کردەوەکانی ئێران لە ڕۆژهەڵاتی ناوەڕاستدا  ده‌ڕوانێت .

هەواڵ:KNNC

ئه‌و فه‌رمانده‌ سه‌ربازییه‌ی ئه‌مریكا راشیگه‌یاند؛ وڵاته‌كه‌ی لەڕێگەی سەرکردایەتی سەربازییەوە چاودێری پێشهاتەکانی ناوچەکە دەکات بۆ دەستەبەرکردنی سەقامگیری و پاراستنی بەرژەوەندییەکانی خۆی و هاوپەیمانەکانی.

كین له‌میانه‌ی به‌شداریكردنی له‌كۆڕبه‌ندی به‌رگری نیشتمانیی ڕیگان ئاماژه‌ی به‌وه‌كرد، ڕۆژهەڵاتی ناوەڕاستی به‌ "ناوچەیەکی سەخت و یڕ له‌ئاڵنگاری" وەسف کرد وڕونیشیکردەوە کە دۆخی غەززە لەلایەن فەرماندەی فەرماندەیی ناوەندی ئەمریکا (CENTCOM) چاودێری دەکرێت و ئێران وەک "سەرچاوەیەکی بەردەوامی نیگەرانی" دەمێنێتەوە.

سەبارەت بە ئاڵنگارییه‌ جیهانییەکان كین ڕایگەیاند ؛ ناوچەی ئاسیا و زەریای هێمن پێگه‌یه‌كی گرنكی له‌ ستراتیژی سەربازی ئەمریکا داگیركردوه‌.

هاوكات وڵاتی چینی وەک "بەرچاوترین ئاڵنگاری ستراتیژی" دەستنیشانکرد و جەختی لەسەر پێویستی سوپای ئەمریکا کردەوە کە خاوەنی بژاردەی ڕێگری جۆراوجۆر بێت لەسەر بنەمای داهێنان و باڵادەستی تەکنەلۆژیادا.