سەرۆکی حکومەتی هەرێمی کوردستان دەڵێت: عێراق نەوتی هەرێمی کوردستان دەفرۆشێت و موچە دوادەخات، هیچ دڵنیاییەکیش نییە کە جاریکیتر هەناردەکردنەوەی نەوت ڕانەگرێت، داشکاندنیش بۆ عێراق کراوە لەو کارەبایەی هەرێم پێی دەفرۆشێت.

هەواڵ:KNNC

مەسرور بارزانی سەرۆکی حکومەتی هەرێمی کوردستان لەبارەی پێکهێنانی حکومەت وتی، بە سیاسەت ویستیان پێکهێنانی حکومەت دوابخەن، یەکێتتی پۆستی زیاتر لە دەنگەکانی ئەویست ئێمەش پێماندان و هێشتاش نەیانویست پێش هەڵبژاردن حکومەت پێکبێت،

"ئێمە پێشتر ڕامان گەیاندبوو کە دۆخی پێش هەڵبژاردنی پەرلەمانی عێراق و دوای هەڵبژاردن جیاواز دەبێت، ئێستا هەلومەرج و دۆخی پێکهێنانی حکومەت گۆڕاوە و پارتیش لەسەر ئەو بنەمایە مامەڵە دەکات بۆ پێکهێنانی حکومەت"

لەبارەی پرسی وزەش سەرۆکوەزیرانی هەرێم قسەیکرد و ئاماژەی بەوەدا،

ڕێککەوتنی هەناردەکردنەوەی نەوت کاتییە و پێویستام بە چارەسەرێکی ڕیشەییە، هیوادارین عێراق تێبگات بە ڕاگرتنی هەناردەی نەوت بەغداد و هەولێر ملیاران دۆلار زیانیان کردوە و کەس براوە نەبوو، ئێمە بودجە و موچە و داهاتمان ڕاگیرا.

هیوادارین بەغداد درێژە بە هەناردەکردنی نەوت بدات و هیچ شتێک نییە بیانوەستینێت کە جاریکیتر ڕاینەگرن، بەغداد پارەی نەوتی ئێمە وەردەگرێت و موچەش دوادەخات.

ئەو بڕەنەوتەی بۆ هەرێمی کوردستان دیاریکراوە زۆرترە لە توانای بەرهەمهێنانی خۆی، بۆچی بۆ شارەکانی عێراق بڕەکە کەمترە و پێیان وایە لێرە نەوتی زیاتر بەرهەمدێت؟

بڕیاری ڕاگرتنی هەناردە و کۆمپانیاکانی بەرهەمهێنەری نەوتیش بەرهەمهێنانیان کەمکردەوە، هەروەها هێرشە درۆنییەکانیش یەکێکی دیکە بوو لەو هۆکارانەی بەرهەمهێنانی کەمکردەوە، لە کاتێکدا ئاشکرابوو کە کێ هێرشەکانی کردوە و لەنێوان هەولێر و بەغدادیش ناوەکان ئاڵوگۆڕکران و کەس سزا نەدرا،

هەر بۆیە گەیشتنەوە بە توانای بەرهەمهێنانی پێشوو کاتی دەوێت.

ئاماژەی بەوەشدا، عێراق دواکەوتوە لە بەرهەمهێنانی گاز و ئێمە لەو پرسەدا لەپێش بەغدادەوەین، ئێمە خۆمان مامەڵە لەگەڵ پرسی گازی هەرێم دەکەین و عێراق لەجێگەی ئێمە بڕیار نادات.

لەبارەی فرۆشتنی کارەبا بە شارەکانی عێراق ڕایگەیاند: هەرێمی کوردستان کارەبا بە عێراق دەفرۆشێت و بێگومان دەکرێت ڕێککەوتنی نوێش لەوبارەیەوە بکرێت، تەنانەت عێراق لەو پرسەدا داشکاندنی بۆکراوە و بە نرخێکی کەمتر لەو کارەبایەی لە ناوچەکە مامەڵەی پێوەدەکرێت، لە هەرێمەو کارەبای پێدەفرۆشرێت....