دەمپارتی پاش قسەکانی دادگەی مافی مرۆڤی ئەوروپا ڕایگەیاند لە تورکیادا پێشێلی مافی هاووڵاتییان دەکرێت و دەبێت هەرچی زووە دەمیرتاش و زیندانیانی سیاسی ئازادبکرێن.

هەواڵ:KNNC

شاندی پارتی یەکسانی و دیموکراسی گەلان- دەمپارتی  پاش قسەکانی دادگەی ئەوروپا لەبارەی ئازادکردنی سەڵاحەدین دەمیرتاش ڕایانگەیاند: لە تورکیادا مافی نەک تەنها تورکیادا پێشێلی مافی هاووڵاتییان ئەوەی دەوترێت بۆ هەمووان ڕاستە.

ڕاشیانگەیاند: لە تورکیادا مافی تاکەکان پێشێل دەکرێت و ئازادیی زەوت دەکرێت، ئەوەی دادگەی مافی مرۆڤی ئەوروپا لەبارەی پێشێلکاری قسەی لەسەر دەکات تەنها لەسەر زیندانییان نییە، بەڵکو بەرامبەر بە هەموو تاکێکی وڵاتەکە دەکرێت.

ئاماژەیان بەوەشدا، سیاسەت بە تۆڵەکردنەوە و ڕق ناکرێت، دەبێت هەمووان یەکسان و وەک یەکبن لە ماف و ئازادییەکاندا و نەک وەک ئەوەی ئێستا لە وڵاتەکەدا هەیە، هیچ کام لەو گوشار و فشارانەی دەکرێنەسەر ئازادیخوازان ناتوانن لە هەوڵدان بۆ ئامانجەکانیان ساردیان بکەنەوە و ڕایانبگرن.

لەبارەی ئازادیی زیندانییانیش وتیان دەبێت هەرچی زووە سەڵاحەدین دەمیرتاش و تەواوی زیندانیانی سیاسیی لە وڵاتەکە ئازادبکرێن، ئەوەش دوای ئەوە دێت کە ڕەجەب تەیب ئەردۆغان سەرۆککۆماری تورکیا ڕایگەیاند: کە بڕیاری ئازادکردنی دەمیرتاش لای دەسەڵاتی دادوەریی یە.