سەرۆکی جەهەپە دەڵێت هەڵەبوون کە سزادانی دەمیرتاشیان پێخۆشبووە و داوای لێبوردن دەکات.

هەواڵ:KNNC

ئۆزگور ئۆزەل سەرۆکی پارتی گەلی کۆماریی تورکیا-جەهەپە لە کۆبوونەوەیەکی پارتەکەیدا لەبارەی سەڵاحەدین دەمیرتاش قسەیکرد و ڕایگەیاند: لە ئێستادا داواکارییەک بۆ ئازادکردنی دەمیرتاش پێشکەشکراوە و دەوڵەت باخچەلی سەرۆکی پارتی نەتەوەپەرستی تورکیا-مەهەپەش ئازادکردنی ناوبراوی بە خێر بۆ تورکیا ناوبردوە.

ئۆزگور ئۆزەل بە پرسیارەوە وتی، ئەوانەی دوێنێ خۆشحاڵبوون و شانازییان بە زیندانییکردنی هەریەک لە سەڵاحەدین دەمیرتاش و فیگەن یوکسەکداغ و عوسمان کاڤالاوە دەکرد و پێیان وابوو ئەوەی ڕوویدا باشترین شتبووە، پێیان وانییە ئێستا قەرزاری داوای لێبوردن کردنێکبن لەو زیاندانییانە؟

ئۆزگور ئۆزەل: ڕاشکاوم و ئێمە داوای لێبوردن دەکەین لە خۆشحاڵی ئەوکاتی هەر ئەندامێکمان.

سەرۆکی جەهەپە وتیشی، ئەگەر ڕاشکاوانە بدوێت ئەوا دەبێت وەک سەرۆکی ئێستای جەهەپە بەرپرسیارییەتی هەڵبگرێت و دان بەوەدا بنێت کە هەڵەبوون و داوای لێبوردن دەکەن، لەوەی کە هەر ئەندامێکیان لەو 120 پەرلەمانتارەی ئەوکات خۆشحاڵبووبن و دەنگیان دژی ئەو بەڕیزانە دابێت کە ئێستا لە زیندانن...