پشووی ناوەندەکانی خوێندن دەستپێدەکات و ڕۆژێکیش پشوو بۆ تەواوی فەرمانگە و دامودەزگاکان ڕاگەیەندرا.


هەواڵ:KNNC

سبەینێ پێنجشەممە ڕێکەوتی 6ی تشرینی دووهەم، یەکەمین ڕۆژی پشوی فەرمییە لە ناوەندەکانی خوێندن، بە مەبەستی ئەنجامدانی ڕێکارەکانی هەڵبژاردن و بەدواییهاتنی ئامادەکارییەکانی پڕۆسەکە.

پشووەکە لە سبەینێوە تا ڕۆژی چوارشەممەوەی داهاتوو دەبێت کە ڕۆژێک دوای هەڵبژاردنە و دەکاتە ڕێکەوتی 12ی مانگ، کۆتایی دێت.

ئەوەش لە کاتێکدایە پێشتر وەزارەتی پەروەردە ڕایگەیاند: بە مەبەستی ئاسانکاریی لەبەڕێوەچوونی ڕێکارەکانی هەڵبژاردنی شەشەمین خولی ئەنجومەنی نوێنەرانی عێراق، شەش ڕۆژ پشووە لە سەرجەم ناوەندەکانی خوێندنی حکومیی و ناحکومیی و نێودەوڵەتیی.

هاوکات 11ی مانگیش کە ڕۆژی بەڕێوەچوونی دەنگدانی گشتییە، لە تەواوی فەرمانگە و دامودەزگاکانی هەرێمی کوردستان و پشووی فەرمییە...