ڕوسیا دەڵێت پابەندیمان بە پرسی ئەتۆمەوە بەندە بە پابەندی وڵاتانی دیکە و بەپێچەوانەوە ڕوسیا ئامادەی هەموو ئاڵنگارییەکە.

هەواڵ:KNNC


کۆشکی سەرۆکایەتی ڕوسیا ناسراو بە کریملن لە ڕاگەیەندراوێکدا ڕایگەیاند: دۆناڵد ترەمپ لەبارەی دەستپێکردنەوەی تاقیکردنەوەی ئەتۆمەوە پێشوەختە مۆسکۆی ئاگەدار نەکردوەتەوە.

کۆشکی کریملن ئاماژەی بەوەشداوە، ڕوسیا ترسی لە هیچ نییە و ئامادەی هەموو ئاڵنگارییەکە، مامەڵەکردنی ڕوسیاش لە ڕاگرتنی تاقیکردنەوە ئەتۆمییەکان بەندە بە مامەڵەی وڵاتانی دیکە، واتا پابەندی مۆسکۆ تا ئەو کاتەیە کە وڵاتانی دیکەش پابەندبن و تاقیکردنەوەی ئەتۆمیی ئەنجامنەدەن.

کریملن: تاقیکردنەوەی موشەکی بورێڤێستنیک بە هیچ شێوەیەک تاقیکردنەوەی ئەتۆمیی نییە.

لەبارەی پەیوەندییەکانیشیان لەگەڵ ئەمەریکا ئاماژە بەوەدراوە، کە پرسەکە نەگەیشتوەتە بنبەست و ئەگەرەکان بۆ دانوستان و گفتوگۆکان کراوەن.

ئەوەش لە کاتێکدایە ئەمڕۆ دۆناڵد ترەمپ باسی لە چەکداماڵین و تقایکردنەوەی ئەتۆم کرد و ڕایگەیاند بۆ پرسەکەش لەگەڵ ڕوسیا لە گفتوگۆدایە...