چالاکوانێکی بواری ژینگە دەڵێت،ڕشتنی ئەم تێزابە ڕەشە کارەساتێکی گەورەی ژینگەیە و پەیوەستە بە چارەنوسی هەر تاکێک ، گەر بە زویی چارەسەر نەبێت کارەسات دەخوڵقێت.

هەواڵ؛ KNNC

هەژار بابان چالاکوانی بواری ژینگە لەمیانی بەشداریکردنی لە بەرنامەی دەنگی گۆڕاندا رایگەیاند،ڕشتنی ئەم تێزابە ڕەشە کارەساتێکی گەورەی ژینگەیە و پەیوەستە بە چارەنوسی هەر تاکێک بەم کارە ژیانی چوار ملیۆن کەس کەوتۆتە مەترسییەو دەبێتە زیاتر بۆ بڵاوبونەوەی نەخۆشی ، ئەوەی ئەم کارەی کردوە هەست بە بەرپرسیارێتی ناکات وبەهۆی سەروەر نەبونی یاساوە ترسی لە لێپێچینەوەش نیە.

ئاماژەی بەوەشکردوە، ئەو لایەنانەی کە پەیوەستن بۆ ئەم پرسە و کاری لەسەر دەکەن وەک پێویست نیە چونکە قەبارەی مەترسیەکە وەکو قەبارەی  کارەکە نیە دەبێت بەدواداچون ولێکۆڵینەوەی وردی بۆ بکرێت .

دەربارەی چۆنیەتی چارەسەربونی ئەم تێزابە ڕەشە چالاکوانی بواری ژینگەیە دەڵێت، چارەسەربونی ئاسانە گەر مەبەست هەبێت لە چارەسەرکردنی ،ئەو ناوچانەی کە ئەم تێزابە  ڕەشەی لێیە لەڕێگەی شۆفڵ و ئامێری تایبەتەوە بکڕێندرێت وپاشان بگوازرێتەوە بۆ ناوچەیەک کە بگونجێت لێی بڕژێنرێت ، بەڵام گەر بێت وئەم تێزابە ڕەشە بسوتێنرێت ئەوا زیانی زۆر بۆ ژینگە دەبێت و لەناویش ناچێت.