کۆمەڵەی هەگبۆرا، کۆمەڵەی بنەماڵەی سەربازە کوژراوەکانی ئیسرائیلن، نامەیەکیان ئاراستەی بنیماین ناتانیاهۆ کردوە و تێیدا داوای دەستبەجێ دەستپێکردنەوەی شەڕیان دژی حەماس کردووە و واژوکردنی رێککەوتەن کاتییەکەیان بە مەترسی بۆ ئاسایشی وڵات داناوە.

هەواڵ:KNNC

لەناو ئیسرائیلەوە ناڕەزایەتی دژی ئاگربەستی کاتی لەگەڵ حەماس دروستبوە و  کۆمەڵەی بنەماڵەی سەربازە کوژراوەکان داوای دەستپێکردنەوەوی هێرشەکان دەکەن بۆ سەر حەماس.

کۆمەڵەی هەگبۆرا، لە نامەکەیاندا هۆشدارییان داوە کە وەستانی شەڕ و واژۆکردنی رێککەوتنە کاتییەکان لەگەڵ حەماس هەڕەشە لە ئاسایشی ئیسرائیل دەکات و نابێت دووبارە بکرێتەوە.

وەک لە نامەکەدا هاتووە؛ “لە چەند مانگی ڕابردوودا چەندین جار بینیویانە حەماس هەموو ئاگربەستێک بۆ دووبارە گرووپکردنەوە بەکاردەهێنێت و هەر پاشەکشەیەک یان پێدانی کات بە حەماس تەنها بوێری گروپەکە دەکات بۆ هێرشی زیاتر."

خێزانەکان جەختیان لەوە کردەوە کە ئامانجەکە دەبێت "لەناوبردنی تەواوەتی توانا سەربازییەکانی حەماس و کۆتاییهێنان بێت بە دەسەڵاتی حەماس لە کەرتی غەززە" .

کۆمەڵەی هەگبۆرا داواشی لە سەرۆک وەزیرانی ئیسرائیل کردوە، کە بەرەنگاری فشارە ناوخۆیی و نێودەوڵەتییەکان ببێتەوە و  بۆ وەستاندنی شەڕەکە و ڕێگە نەدات “خوێنی قوربانییەکان بێهودە بڕژێت”.