لەدوای ڕاگەیاندنی ئاگربەست لە غەززە زیاتر لە 150 کەس بوونەتە قوربانیی ناوەندی مافی مرۆڤی غەززەش ڕایدەگەیەنێت: لەو ماوەیەدا 129 پێشێلکاریی ئەنجامدراوە.

هەواڵ:KNNC

ناوەندی مافی مرۆڤی غەززە لە ڕاگەیەندراوێکیدا ئاماری نوێی لەبارەی قوربانییانی هێرش و بۆردومانەکانی کەرتەکە بڵاوکردەوە و ڕایگەیاند: سەرباری ڕاگەیاندنی ئاگربەست، لە 10ی ئەم مانگەوە، 129 پێشێلکاریی لەلایەن ئیسرائیلەوە ئەنجامدراوە و 156 کەس بوونەتە قوربانیی.


ناوەندی مافی مرۆڤی غەززە: لە دوای ڕاگەیاندنی ئاگربەست 34 کەس کوژراون و 122 کەسی دیکە برینداربوون.

ئەوەش هاوکاتە لەگەڵ تێپەڕبوونی 9 ڕۆژ بەسەر ئاگربەستی نێوان سوپای ئیسرائیل و بزوتنەوەی حەمماس لەسەر پێشنیاری دۆناڵد ترەمپی سەرۆکی ئەمەریکا.

بەپێی ئامارە فەرمییەکانی وەزارەتی تەندروستیی فەڵەستین/غەززە، لە 7ی تشرینی یەکەمی ساڵی 2023 وە 68 هەزار و 116 کەس لە ئاڵۆزییەکانی کەرتی غەززەدا کوژراون، ژمارەی بریندارەکانیش لەو ماوەیەدا 170 هەزار کەسی تێپەڕاندوە...