یەختێکی کۆچبەران لە ئاوەکانی نێوان ماڵتا و ئیتاڵیا نقومبوو، زیاتر لە 20 کەس خنکاون و چالاکوانێکی بواری کۆچبەرانیش دەڵێت: لەنێویاندا کورد هەیە.

هەواڵ:KNNC

یەختێکی کۆچبەران لەنێوان ماڵتا و ئیتاڵیا نقومبوو کە 35 سەرنشینی لەخۆگرتبوو، لەو بارەیەوە ڕەنج پشدەری چالاکوانی بواری کۆچبەران ڕایگەیاند: تا ئێستا خنکانی 22 کەس پشتڕاستبووەتەوە و چارەنوسی بەشێکیشیان نادیارە.

ئاماژەی بەوەشدا سێ لەو کۆچبەرانەی گیانیان لەدەستداوە کوردن و خەڵکی دەڤەری ڕاپەڕینن، کۆچبەرەکانی دیکەش، خەڵکی عێراق و سودان و ئەفغانستان و میسڕ و وڵاتە عەرەبییەکانی دیکەن.

ناوبراو وتیشی یەختەکە لە لیبیاوە بەڕێکەوتوە بە مەبەستی چونە ئیتاڵیا، ڕۆژێک پێش ڕووداوەکە، ڕێگەیان هەڵەکردوە لەگەڵ ئەوەی داوای بەهاناوەچوونیان لە هەردوو لایەنی پەیوەندیدار لە ماڵتا و ئیتاڵیا کەس بە هانایانەوە نەچوە و 24 کاتژمێر یەختەکە تیکشکاوە...