خانەی فەتوادانی بزوتنەوەی تاڵیبان لەئەفغانستان بڕیاریدا بەقەدەغەكردنی وێنەگرتنی  ئافرەتان بۆ نێو مامەڵە ناوخۆی و ناسنامە كەسێكان.

هەواڵ: KNN

بەپێی فەتواكەی بزوتنەوەی تأڵیبان تەنیا ڕێگە بەو ئافرەتانە دەدرێت كە گەشت بۆ دەرەوەی ئەفغانستان دەكەن یاخود بۆ چارەسەری نەخۆشی دەچنە دەرەوەی وڵاتەكەیان.

دەستەی نیشتمانیی بۆ ئامارو زانیاری لەئەفغانستان جەختیكردوەتەوە ؛ كەتەنیا لەبارە زۆر پێویستەكاندا نەبێت رێگە نادرێت وێنەی ئافرەتان بگیرێت چونكە ئەوە كارێكی ناشەرعییەو دەبێتە مایەی فیتنەو نیگەرانی.

هەر لەو چوارچێوەیەدا دەسەڵاتدارانی تاڵیبان بڕیاریاندا بەرێگرتن لەنوسینی شیعرو هۆنراوەی دڵداری و پیاهەڵدان بەگەنجان لەهەردو ڕەگەز و تەنیا دەبێت ناوەڕۆكی شیعر تایبەت بەئیسلامگەرایی بێت و بەدور بێت لەهەرجۆرە فیكرێكی كۆمۆنیستی و فێمێنیستی و دیموكراسیی گومڕایی و لەهەمان كاتیشدا بڕیاردراوە بەداخستنی سەرجەم ئەو ناوەندانەی ژنان و كچان فێری زمانە بیانییەكان دەكەن .